As XSG-Marín respostan ao PP marinense ante a negativa de aprobar a moción de melloras do servizo de bus Marín-Pontevedra.

Os mozos e mozas socialistas presentaron hai semanas unha moción no rexistro do Concello que se debatirá no pleno da vindeira semana na que exisirán diversas medidas para que mellore a calidade do servizo e disminúa o prezo do billete do autobús na liña Marín-Pontevedra.

O secretario xeral, Nacho Cortés quiso respostar hoxe ao grupo do goberno municipal ante a negativa de aprobar a moción, negándose o PP marinense a negociar coa Xunta o restablecemento do servizo de Noitebús:“non me veñan con excusas, o servizo de Noitebús demostrou que contribúe eficazmente  á seguridade viaria dos mozos e mozas e tamén a ser unha garantía de igualdade entre os rapaces, pois non todos temos coche propio ou os mesmos recursos económicos” afirmou Cortés.

 “Parecemeu indignante e unha irresponsabilidade que no seu día Feijóo recortase este servizo, e agora paréceme aínda máis indignante que a alcadesa e o seus concelleiros sexan uns vendidos ante o presidente da xunta e pretendan lavarse as mans e non facer nada ante esta demanda” engadiu o líder da agrupación locas das Xuventudes Socialistas.

 Dende a organización aseguran que “se esta moción non se aproba demostrarase unha vez máis a valía que ten a palabra do señor Feijóo e o medo que lles xenera a Ramallo e o seu equipo. Están co partido e non coa xente”.

Respecto ás declaracións de membros do grupo municipal do PP de que “hay que tratar de que la gente se quede y se divierta en Marín, y no potenciar que se vayan a Pontevedra", o secretario xeral das Xuventudes Socialistas de Marín, Nacho Cortés, respostou que  “deberían tomar nota de outros concellos de Galicia onde si se restableceu o Noitebus nalgúns períodos do ano coma o verán e con moito éxito. So lle están a sacar o lado negativo a isto, pero hai moita a xente que quere vir ás festas do Carme ou a outras actividades deportivas e culturais e non poden porque para voltar a Pontevedra non hai servizo de bus durante a noite. Así como vai vir a xente?”

Cortés mostrouse moi crítico ante estas declaracións do grupo de goberno: “A xente non vai vir a Marín mentres vostedes continúen sen propiciar a aparición de iniciativas privadas de ocio, Marín morre porque a vosa incompetencia impide que poidamos estudar ou salir de marcha aquí. Creranse vostedes que catro hinchables nas praias e un tren navideño que da voltas por Marín é todo o maravilloso que están a facer pola mocidade, con eses cartos mal gastados melloraban a biblioteca ou creaban emprego para os mozos e mozas da vila. Está claro cales son as súas prioridades”

Finalmente o secretario xeral das XSG-Marín quiso destacar que as melloras no servizo de bus son necesarias e que o debate deste tema e as propostas que se poidan levar a cabo en beneficio de todos os marinenses teñen que ser ben recibidas, pero mostrouse preocupado porque “nin a alcaldesa nin o seu equipo de goberno se puso na pel dos veciños e veciñas nestes tres anos de goberno, non fixeron nada, sendo conscientes da moita xente maior, persoas en situación de desemprego ou estudantes que día a día teñen que utilizar este servizo co enorme custo que supón”.

Remitimos ademáis unha queixa veciñal que se publicou no blog de Angel Carragal, e que demostra a desinformación do Concello ante esta problemática do bus.

http://cousasdecarragal.blogspot.com.es/2015/01/marin-y-su-noticia-02-de-enero-de-2015.html

"Na mañán do día primeiro do ano tiñamos que ir a Pontevedra e estuvimos na parada de Marín desde as 10,10. Entre a xente que alí estabamos había alguns rapaces e rapazas que pasaran a noite de fin de ano en Marin e querían volver a Pontevedra. Despois de unha espera hasta as 11,30 un dos xóvenes chamou a empresa  e lle dixeron que non había servicio ata as 16,30 horas. ¡Así se consigue que a xuventude non colla o coche  como di a publicidade de tráfico! Imaxinamos que un servicio publico  non pode funcionar así e desde o Concello esperamos que se  faga unha protesta publica ante esa "maravillosa" empresa. Si queremos que a xente veña a Marin con este servicio público funcionando así imos ven. Manán iremos a Consumo a facer a reclamación pertinente."

Medidas que inclúe a moción das Xuventudes Socialistas de Marín:

1.    Trasladar á Xunta de Galicia e ao seu presidente o Sr. Núñez Feijoo a petición da Corporación Municipal de Marín para que sexa retomado o servizo de Noitebús entre as localidades de Marín e Pontevedra, porque consideramos que este servizo demostrou a súa eficacia cara a mellora da seguridade viaria e a redución de accidentes de tráfico especialmente entre os xóvenes diminuindo a condución de madrugada en situación de risco.

2.    Que o Concello de Marín xestione ante a empresa concesionaria do transporte de Marín a Pontevedra unha ampliación dos horarios do servizo.

Dita ampliación consistiría en que de luns a domingo o servizo entre Marín e Pontevedra se preste ata ás 12 da noite, ainda que sexa cunha menor frecuencia de pasada a partir das 22:00h.

Para o fin de semana que se solicite un adianto na hora de saída do primeiro bus con destino Marín ás 06:00h da mañá (actualmente é as 07:00h).

3.    Que o Concello de Marín impulse coa Xunta de Galicia e a Deputación de Pontevedra (como mediador provincial cos Concellos) a creación en Pontevedra e arredores dunha área metropolitana de transporte, coma xa sucede nas ciudades da Coruña, Ferrol, Lugo ou Santiago. Mediante a creación de dita área metropolitana de transporte se podería acadar para os veciños de Marín un prezo por cada viaxe que rondaría entre os 71 e os 84 céntimos, o cal suporía unha evidente mellora sobre o prezo actual que é de 1,40 €, o que repercutiría moi positivamente na economía dos veciños de Marín.

Ler máis

As Xuventudes Socialistas de Marín respostan ao PP de Marín: “nin pes nin cabeza ten que se empeñen en tratarnos aos estudantes de Marín coma un colectivo marxinal”.

Imaxe da entrega das máis de 1.000 firmas que avalan a petición de melloras da Biblioteca Municipal,

O secretario xeral das XSG Marín, Nacho Cortés, quixo respostar  ao comunicado emitido polo PP de Marín  e declarou que “ é incomprensible que digan que é inviable económicamente cando están a “sacar peito” do suposto “superávit” de 600.000 euros do Concello e estanse a pagar horas extras escandalosas sen vir a conto.”

 

“Lévase  pedindo dende fai un ano a modernización da biblioteca municipal, dende o PSdeG-PSOE de Marín non se puido ter unha postura máis consensuadora para tratar de enmendar a moción presentada e conseguir sacar adiante melloras para a biblioteca. Propuxemos outros usos para ese local que pedimos, cando non sexa período de exames, coma por exemplo: a utilización como sala de traballo e talleres para os rapaces, algo que tamén está a ser demandado nos colexios ao Concello, pero aínda así hai moitas máis demandas que fixo a xente coma o sistema antirroubo ou mesmo outras propostas gratuitas”.

 

“Non se pode tolerar que a Concelleira de Cultura non tome cartas no asunto e so se adicara a rechazar todas as propostas de localización que se fixeron durante todo este tempo dende a oposición do PSdeG-PSOE, BNG e MAR-IN  nos distintos debates. Póñanse a traballar dunha vez, se estamos a demandar algo non será por inspiración divina, vai a acabar a lexislatura e biblioteca vai seguir igual que cando chegaron” añadiu Cortés.

 

 

 

 

 

                                                                                       Marín, 14 de setembro de 2014

As Xuventudes Socialistas de Marín queremos deixar claro que non imos tolerar que se trata aos estudantes de Marín coma un colectivo marxinal, e se pretenda tirar pola borda meses de traballo na rúa, no que as propostas que levamos a pleno son ideas da xente, desa moita xente que votou tamén ao Partido Popular. Consideramos que:

1.    Os estudantes marinenses non somos un colectivo marxinal, non temos porque crear unha asociación para que se actúe en consideración, e se nos repudie a ter acceso a un local municipal unhas poucas horas ao mes.

2.    Alegar que a creación dunha aula de estudo é inviable económicamente é un erro.  É incomprensible que afirmen iso cando están a “sacar peito” do suposto “superávit” do Concello e estanse a pagar horas extras escandalosas sen vir a conto.. Non interesamos os estudantes de Marín? Onde están as supostas becas de apoio aos estudantes sen recursos que prometían no programa electoral?. Inviable económicamente en todo caso é o traballo que está a facer a Concelleira Beatriz Rodríguez pola cultura e a formacións dos estudantes de Marín. Aínda estamos esperando a que cumpra moitas das súas propostas do programa electoral.

3.    Levamos diferentes propostas a pleno de onde situar a aula de estudo: Granxa de Briz, Aulas de música de Cantodarea, antigas oficinas de Cultura en Méndez Núñez, antigas oficinas de urbanismo en Méndez Núñez e que se racionalizase o uso destes locais municipais se era necesario. Pero tamén outros grupos municipais coma o BNG ou MAR-IN puxeron enriba da mesa solucións ao respecto. O pasado pleno de setembro a concelleira do BNG, Esther Crespo: “poden negociar coas súas administración amigas o local que é propiedade da Xunta de Galicia e estase a deteriorar cada vez máis co paso do tempo por estar sen uso”.

4.    A crise económica está visto que non é unha escusa, no veciño Concello de Cangas teñen un horario extraordinario para exames na biblioteca municipal. Non están a favor de crear emprego na vila? Onde está o plan de emprego? Contratar máis persoal na biblioteca municipal non é pecado ningún cando supostamente defenden que teñen as contas saneadas.

5.    Pedir que se estudie a posibilidad de insonorización da sala de lectura da biblioteca parece un “tremendismo” para o goberno do PP, cando non lle compromete a nada, e para todos é molesto o barullo que existe pola autoestrada colindante co edificio cando se está dentro.

6.    Se pedimos a creación dun buzón de participación cidadá e que se intente incentivar as donacións na biblioteca é porque temos constancia de que a maioría das demandas que se fan a este desgoberno local do PP caen en saco roto e póñense moitas trabas no lugar de facilidades a trámites que deberían ser ben sinxelos.

7.    No tocante aos cursos de formación quixemos pedir unha iniciativa de cursos de formación (que podedes ler con máis detalle no documento da moción), e na cal a Concelleira de Cultura podería mediar se tivese "iniciativa" para conseguir que se levase a cabo.

8.    Non podemos crernos que a señora Beatriz Rodríguez poida defender no pleno que a biblioteca municipal non precisa dun sistema antirroubo de libros e que se lle deixe toda a responsabilidade ás empregadas da biblioteca. Os casos de hurtos de libros existen e polo tanto é inútil seguir mercando libros se é tremendamente fácil roubalos.

Ler máis

As Xuventudes Socialistas de Marín acusan á Concelleira de Cultura de ignorar a petición avalada por máis de 1.000 marinenses para mellorar a biblioteca municipal .

O secretario xeral das XSG Marín, Nacho Cortés, tildou á Concelleira de hipócrita e soberbia “pois coma dixemos con anterioridade esta Concelleira mentres estaba nas NNXX promovía mentres que se habilitaran espazos para os estudantes, e agora nin o fai, nin tampouco plantexa alternativas e permítese facer oídos xordos das demandas e propostas dos usuarios do centro e dos máis de 1.000 marinenses que asinaron para conseguir melloras na biblioteca municipal” “Non só está a ignorar aos marinenses, se non tamén aos que traballan e fan vida nesa biblioteca. Parouse algunha vez a falar con eles? Podo dicir con coñecemento que non, non ten interese ningún”  

Dende a organización afirman que “o goberno local do PP está autoenganarse de que a biblioteca municipal está xenial como está,  a pésima xestión é unha realidade para todos, menos para eles porque deben pisala ben pouco, nada máis que cando ben Feijóo aos seus actos de partido” “Temos un exemplo na comarca de cómo unha vila coma Cangas, na que goberna o seu partido, conta cun horario extraordinario de biblioteca para o período de exames e unha xestión algo mellor” añadiu Cortés.

                                                                                       Marín, 12 de setembro de 2014

As Xuventudes Socialistas de Marín mostráronse moi críticos coa actitude da Concelleira de Cultura no Pleno Municipal, pese a que todos os grupos da oposición lle pediron por segunda vez nun ano que actuase para conseguir cambios visibles e melloras na xestión da biblioteca municipal, e intención do Grupo Socialista de mediar para alcanzar un consenso nalgunhas das propostas incluídas na moción.

O secretario xeral da agrupación local de Xuventudes Socialistas, Nacho Cortés declarou que “pareceme de coña que a señora Beatriz Rodríguez poida defender que a biblioteca municipal careza dun sistema antiroubo de libros, e que lle deixe toda a responsabilidade ás empregadas da biblioteca” “O custo que pode ter ese sistema é irrisorio. Existen casos de hurtos de libros que non apareceron máis; de que serve invertir na compra de libros se é tremendamente fácil roubalos?”

O líder da organización socialista ademáis quixo mostrar o seu rechazo á proposta de solución que propuxo a Concelleira para a demanda de locais de estudo: “A única solución que propon para a demanda dos estudantes e que creemos unha asociación de estudantes para poder ter acceso a un local municipal unhas poucas horas ao mes?   Parece ser que en Marín os estudantes somos un colectivo marxinal, que nos repudian a iso para conseguir un lugar digno onde estudar ou poder facer traballos.

Os mozos e mozas socialistas concluíron recalcando que “nótaselle que non coñece a realidade da biblioteca, pero tamén nótaselle que non lle interesa poñerse a traballar para que ese servizo sexa mellor, máis útil, moderno e accesible para todos e todas, pero sobre todo que cubra as necesidades e demandas para as que naceu”

Ler máis

As Xuventudes Socialistas de Marín entregan no Concello as máis de 1.000 firmas que avalan a petición de melloras para a biblioteca municipal.

Imaxe: Diario de Pontevedra

As Xuventudes Socialistas de Marín xunto Aitor Bouza, secretario xeral das XSGalicia e outros membros da súa executiva entregamos no Concello as máis de 1.000 firmas recadadas como aval da petición popular de melloras para a biblioteca municipal "Vidal Pazos" de Marín.

A moción coas diferentes propostas de melloras que solicitamos ao goberno local será tratada no pleno deste venres.

Ler máis

As Xuventudes Socialistas de Marín levan a pleno unha moción na que esixirán melloras para a Biblioteca municipal avalada por máis de 1.000 firmas.

O secretario xeral das XSG Marín, Nacho Cortés, declarou que “esta moción para mellorar a Biblioteca Municipal é froito da participación cidadá, polo que agradecemos a colaboración de todos os veciños e veciñas”. Dende a organización invitaron á concelleira a que: “visite a Biblioteca máis a miúdo, fale cos traballadores e usuarios habituais pois obterá respostas, queixas e suxerencias claras da xente”

Ademáis as Xuventudes Socialistas de Marín mostraron a súa indignación ante a escasa inversión e preocupación do Goberno local do PP polos problemas, a formación  e o futuro dos mozos e mozas de Marín: “Este Concello non está invertindo na xuventude de Marín, e logo estrañámonos de por qué os mozos e mozas marchan? Non se trata só de facernos festas”

No referente á campaña de recollida de sinaturas e propostas, o secretario xeral, Nacho Cortés, e a secretaria de organización, Joanna Vilas, fan un balance moi positivo en canto á participación dos veciños e veciñas na recollida de firmas e propostas que levaron e levan a cabo na rúa e na rede e na que levan recollidas entorno ás 1.000 firmas. “A xente mostrouse moi contenta coa iniciativa e compartimos moitas opinións, que deron paso a propostas de mellora en termos de servizo e calidade para o edificio municipal, é o mellor aval que podemos ter desta petición popular” e animaron á xente a que se siga sumando á iniciativa durante os vindeiros días.

                                                                                          Marín, 29 de agosto de 2014

As Xuventudes Socialistas de Marín xa presentaron no rexistro do Concello a moción que o Grupo Municipal do PSdeG-PSOE de Marín levará e defenderá no pleno municipal de setembro, e no que se tratarán as diversas melloras que solicitan para a Biblioteca Municipal.

Os mozos e mozas socialistas tildaron de hipócrita a Concelleira de Cultura Beatriz Rodríguez, porque: “mentres estivo nas Novas Xeracións, reivindicaba máis espazos para os estudantes marinenses, pero agora que ten a oportunidade de lograr esas reivindicacións non o fai, pero tampouco o intenta. De feito dende que presentamos a anterior moción, fai case un ano, non cumpriu o seu compromiso de traballar por mellorar o servizo, non fixo nada”.

O secretario xeral apuntou que “a responsabilidade de que se traballe ou intervenga para mellorar a Biblioteca Munciipal  é da Concelleira de Cultura, a mesma que se encargou de disolver o Padroado da Biblioteca garantizando unha mellor xestión, e afirmando que se encargaría ela mesma de todo, e xa se ve, que nin a biblioteca pisa”.

Dende a organización declararon que “é o tempo de apostar pola Biblioteca, non estamos a pedir unha biblioteca nova, nin estamos a pedir imposibles.  Pedimos melloras nas infraestructuras pero tamén na xestión, que é unha cuestión pendente para todos os grupos municipais” “E invitamos á concelleira a que: “visite a Biblioteca máis a miúdo, fale cos traballadores e usuarios habituais e non cos militantes ou simpatizantes do PP, pois obterá respostas, queixas e suxerencias claras da xente”.

“Estamos fartos de que o PP recorte a inversión pública onde lle peta, igual o que terían que recortar son as escandalosas horas extras que se pagan no concelllo, os salarios aos funcionarios afins a eles e demais cacicadas que está a facer este goberno. Parece que coma sempre a xuventude deste pobo somos o último, a nosa formación non importa, e non importa a de mozos e mozas, ou talentos, que teñen que marchar fora a desenvolverse ou encontrar traballo.” Declarou o Nacho Cortés, o secretario xeral da agrupación.

“Este Concello non está invertindo no que é a xuventude de Marín, e logo estrañámonos de porque os mozos e mozas marchan? Non se trata só de facernos festas, trátase de apoio, de invertir nos que queren formarse e por non ter cartos non poden, de apostar por un plan de emprego eficaz que poida ser unha oportunidade de empregabilidade na vila ou mesmo de mostrar certo interese e preocuparse de que demandan os colectivos xuvenís de Marín.” añadiu Cortés.

As medidas que as Xuventudes Socialistas de Marín inclúen na moción:

1-    Creación dunha “Aula de estudo” insonorizada no antigo local municipal da Concellería de Urbanismo que estaba sito na rúa Méndez Núñez, xusto detrás da Biblioteca Municipal. Que en período de exames estaría dispoñible cun horario extraordinario: das 08:00 ás 03:00. Habilitar unha sala de traballo infantil onde se poidan realizar tamén obradoiros e traballos escolares para evitar as molestias aos demais usuarios.

As XSG-Marín plantexaron respecto a esta demanda, que no período de exames noutras vilas coma Pontevedra ou Cangas contan con máis espazos onde estudar ou con horario extraordinario: “Se tes exames e é fin de semana por qué temos que desprazarnos á biblioteca da Universidade en Pontevedra, se se pode habilitar algún espazo ou establecer un horario extraordinario en Marín coma xa se fai por exemplo en Cangas? 

2-    Instalación dun sistema antiroubo de libros. 

3-    Acondicionamento da sala de lectura coa posta dun sistema de aire acondicionado que está a ser demandado por usuarios e traballadores do centro.

4- Para a facilitación de suxerencias, novas compras ou queixas, crear un “buzón de participación cidadá”, no que as queixas ou suxerencias queden rexistradas e sexan levadas ao Concello coa fin de ser resoltas.

5-    A gran oferta de cursos online que se ofertan na rede debe permitir que dende a Concellería de Cultura se leve a cabo un plan de cursos formativos para o Telecentro municipal coa  designación trimestral de monitores con experiencia ou novos talentos para a realización de cursos a través da rede que poidan ser gratuitos ou de prezo público, cuxa realización sexa non so en horario de mañá, senon tamén de tarde para que os usuarios que desexen acceder a este tipo de formación e traballen ou teñan outras responsabilidades poidan asistir sen problema.

6-    Estudar as posibilidades de insonorización da sala principal para impedir o barullo tanto dos vehículos que circulan pola estrada colindante coma o que poida xurdir de celebracións no salón de actos da planta superior.

7-    Creación dun “buzón de donacións rexistradas” de libros á vista dos usuarios, para que os usuarios que así queiran poidan sentirse impricados na construcción da biblioteca municipal, puidendo encher así tamén os fondos da biblioteca con exemplares aos que se lle quere dar un novo uso. 

8-    Posta anual dun caixón ou unhas baldas onde por a disposición dos  usuarios exemplares gratuitos que queiran ser cribados-purgados.

9-    Creación dunha conta de Facebook e Twitter para facilitar información sobre actividades, novidades literarias ou información relevante aos usuarios.

A organización socialista concluíu mostrando o seu desexo a que no Pleno do Concello se aprobe esta petición popular, do contrario, e se a deixadez continua, afirman que seguirán a reclamar e presentar no Concello todas as queixas e propostas que consideren oportunas.

Ler máis

As Xuventudes Socialistas de Marín presentan a campaña "+Biblioteca".

A organización presentou a campaña "+Biblioteca" coa cal queren concluir a recollida de sinaturas e propostas de mellora da biblioteca municipal na rede.

O secretario xeral da agrupación, Nacho Cortés, declarou que "a nosa reiteración da necesidade de actuacións na Biblioteca Municipal está a ser avalada por todos os usuarios e veciños que están a participar na nosa recollida de firmas, que ademáis nos están a achegar moitas queixas pero tamén moitas propostas. Polo que facemos un balance moi positivo en canto á participación cidadá”


As Xuventudes Socialistas de Marín presentaron a campaña "+Biblioteca" mediante a cal queren invitar a todos os usuarios da Biblioteca Municipal "Vidal Pazos" que aínda non asinaron na súa recollida de firmas nas rúas de Marín o fagan na plataforma  Change.org e por outra parte seguir sumando propostas de mellora para o edificio municipal.

 “Esta campaña vai servir como carta de presentación do que queremos levar a pleno mediante o grupo municipal do PSdeG-PSOE de Marín, é unha mensaxe clara e directa ao goberno local do que os veciños e a mocidade da vila queren”

Os mozos e mozas socialistas quixeron agradecer o respaldo obtido e participación da xente ao longo destes meses na rúa, e fixeron saber que todas as propostas e suxerencias “serán recollidas nunha moción e que é froito da participación dos veciños e servirá para conseguir o que todos queremos que é unha biblioteca en condicións e mellor para Marín”

Dende a organización prefiriron non revelar o contido dese documento dado que aínda non está pechado, pero Cortés asegurou que “hai demandas que se levan facendo dende fai moito tempo por usuarios e traballadores do centro que son irrenunciables", e que a presentarán e levarán a pleno o vindeiro mes.

Para a participación na campaña "+Biblioteca", as Xuventudes Socialistas de Marín quixeron poñer á disposición dos veciños un correo electrónico: marin@xsgalicia.org coa fin de poder recibir suxerencias e propostas. E para asinar e respaldar a súa petición en Change.org encontrase máis información no seu blog: xuventudesmarin.blogspot.com

Ler máis

Recollida de firmas e propostas para a mellora da Biblioteca Municipal e a habilitación urxente de máis espazos para o estudo en change.org

Os mozos e mozas socialistas consideramos un gasto innecesario que o estudantes marinenses teñan que desprazarse a outras vilas para estudar, existindo en Marín os recursos necesarios para habilitar zonas para o estudo.

As Xuventudes Socialistas iniciamos unha recollida de firmas tanto na páxina change.org coma polas rúas de Marín para respaldar esta iniciativa de demanda popular.

 O pasado mes de novembro, o Grupo Municipal do PSdeG-PSOE e as Xuventudes Socialistas de Marín acordarmos solicitar ao Pleno do Concello de Marín a adopción dun acordo no que se aumenten por este concello os recursos da biblioteca municipal, se habiliten locais de estudo  en 2 espazos (coma mínimo) e se incremente o seu horario e o da biblioteca no período de exames. Ademáis instaron á Concelleira de Cultura a traballar pola mellora da Biblioteca municipal.  

As Xuventudes Socialistas de Marín consideramos que:

1- A biblioteca Vidal Pazos, quédase pequena xa para unha poboación de 26.000 habitantes e ante a crecente demanda e masificación deste servizo: nun único espazo, os estudantes se encontran coa xente que vai ler a prensa, os socios que van recoller e devolver os libros, os alumnos que van consultar manuais e os que queren estudar, o que fai que o barullo sexa constante e impida concentrarse nos estudos.

2- O Concello pode permitirse económicamente realizar contratacións para o mantemento de aulas de estudo, proba é a recente suba de salarios a algúns funcionarios afins ao PP.

3- Na actualidade o estudantado marinense enfróntase non só á modificación da Lei de Educación do Ministro Wert, á dilapidación do Consello Escolar do Concello por parte da nova Lei das Administracións Locais, e ás inexistentes reunións periódicas deste mesmo órgano no Concello de Marín, que demostran así o interese que ten o goberno do PP en coñecer e solucionar as necesidades e carencias dos estudantes, centros educativos e de ensinanzas da vila, ao que hai que sumar a carencia de medios que faciliten a súa formación e estudo.

4-  É de obriga por parte da actual Concelleira de Cultura buscar unha solución para que se poidan utilizar ou racionalizar os locais municipais existentes para que os estudantes de Marín poidan acceder a ter salas de estudo.

5 - Débese incrementar ó horario da Biblioteca de Marín en períodos de exames: decembro-xaneiro, maio-xuño e primeira quincena de xullo; segunda quincena de agosto, e setembro. Sen compararnos con outras bibliotecas, como fixo a Concelleira Beatriz Rodríguez, posto que a Biblioteca Pública de Pontevedra non é a única que ten a cidade do Lérez, polo que a demanda de ampliación de horarios da biblioteca municipal nesa cidade é normal que non exista.

6- Mellorar os recursos tanto bibliográficos (manuais de dereito, diccionarios, obras básicas da literatura universal...) coma loxísticos que se encadran tanto na planta inferior coma no salón de actos.

7- Dinamización do Telecentro municipal pois é toda unha oportunidade para a formación dos marinenses e dende a chegada ao goberno do PP está a infrautilizarse. 

Finalmente, os mozos e mozas socialistas queremos concluir facendo un chamamento á Concelleira de cultura e a alcaldesa, María Ramallo: “non se escuden no que os gobernos anteriores fixeron ou deixaron de facer, e fagan vostedes, pois non fan falla moitos recursos, os espazos os teñen. Existen instalacións municipais, que con xestión e racionalización poden permitir habilitar salas para que os estudantes poidan estudar, pois é vergoñento que a actual Concelleira de Cultura, que no seu momento demandou dende as Novas Xeracións do Partido Popular a creación de locais de estudo, agora que está no goberno non queira facelo. 

Entra na páxina da petición, asina e posteriormente se o desexas fainos chegar as túas propostas, serán entregadas e presentadas no Concello.

http://www.change.org/es/peticiones/concello-de-mar%C3%ADn-por-melloras-na-biblioteca-municipal-de-mar%C3%ADn-e-habilitaci%C3%B3n-urxente-de-locais-de-estudo-para-os-estudantes-marinenses?recruiter=84995859&utm_campaign=petition_invitation&utm_medium=email&utm_source=share_petition

Ler máis

As XSG Marín acusan á concelleira de cultura de primar os intereses de colectivos ligados ao PP por riba dos estudantes de Marín.

O secretario xeral das XSG Marín, Nacho Cortés, sinalou “As oficinas de Méndez Nuñez, por exemplo, poden habilitarse perfectamente o que pasa e que a concelleira de cultura prima os intereses dun colectivo presidido por unha militante do PP, por riba dos intereses dos estudantes marinenses.”

Aclarou que esta asociación xa tiña local propio na rúa Estrada, pero en canto chegou o PP ao goberno aproveitou a política de amiguismo do concello para facerse cunhas instalacións municipais.

“Os mozos e mozas socialistas non imos permitir que dende a Concellería de cultura se siga con esta pasividade e conformismo en canto a infraestructuras, fondos, rendemento e horarios da biblioteca. É vergonzoso que aínda a día de hoxe a biblioteca de Marín so teña 2 diccionarios de inglés para toda a vila, e nin se quera dispoña de moitas obras clásicas da literatura universal. Se non é capaz de xestionar ela soa a súa competencia que non prometa no pleno do Concello o que non vai cumplir”, facendo referencia á unha das intervencións da concelleira de cultura cando se disolveu o Padroado de cultura da biblioteca.

Ademáis dende a organización sinalaron que “espazos hainos, puxemos propostas enriba da mesa. Cremos que se se queren prestar locais ás asociacións, Briz é o mellor emprazamento. O parque dos sentidos ofrece ademáis a posibilidade de facer moitas actividades ao aire libre. Cremos que as antigas oficinas de cultura ou as aulas de música deben ser salas de estudo e devolverlle a utilidade que tiveron no seu momento para a formación dos marinenses”.

Nacho Cortés aclarou que entende que todos os colectivos de Marín deben pusuir un local, “porque son os principais dinamizadores da nosa vila”, pero criticou que esta asociación que se atopa nas antigas oficinas de cultura xa tivo local propio: “cobrando cuotas aos membros, recibindo subvencións, e sen ter se quera horario ao público…  ademáis de estar estrictamente ligada ao partido do goberno.  Poden perfectamente compartir espazo con outras asociacións na Granxa de Briz, iso si o primeiro son os intereses dun colectivo máis amplo coma son os estudantes marinenses que non teñen porque pagarse o desprazamento para ter que estudiar en condicións.”

 Os mozos e mozas socialistas quixeron responder ademáis á concelleira ante a crítica que fixo do PSdeG-PSOE de Marín:

“A aula de estudo que existía enriba da biblioteca non estaba no mellor emprazamento. Invitamoslle a señora concelleira a probar a tentar estudar  cando se están a realizar actividades no salón de actos da Biblioteca”. Ademáis engadiron que a o Telecentro foi feito grazas a unha aportación de máis de 120.000 euros da Xunta.  “Grazas a este aula puidéronse formar marinenses de todas as idades. Se o goberno actual non lle quere sacar partido a este espazo é cousa súa, demostra o seu interés polos problemas da xente” puntualizaron dende a organización.

 As Xuventudes Socialistas de Marín non descartan movilizarse aínda máis respecto a este tema: “a moción era unha demanda que moitos marinenses estaban esperando que se fixese dende hai tempo, polo que non descartamos movilizacións”.

 Finalmente dende Xuventudes Socialistas de Marín lamentan a actitude da concelleira de cultura e do goberno local, “limitouse a dicir: non hai espazos, sen antes valorar os acontecementos que van suceder, nin mostrar interese na comisión municipal por levar adiante a medida. Somos conscientes de que a moción non sairá adiante, pero non daremos tregua neste asunto”.

Ler máis

As Xuventudes Socialistas de Marín presentan a campaña de recollida de alimentos “Comparte o Nadal”.

A recollida de alimentos terá lugar entre os días 6 e 21 de decembro, todo o recaudado será doado á Asociación Benéfica marinense “SOS ayuda al necesitado”.

“A crise está a ter terribles consecuencias para moitas familias de Marín, moitas familias están sufrir por enriba das suas posibilidades a dureza da crise.  É difícil que a nosa alcaldesa se poña na pel destas familias cando o seu soldo e de máis de 6.000 euros mensuais”

                                                       Marín, 29 de Novembro de 2013

As Xuventudes Socialistas de Marín presentaron esta tarde na Biblioteca Municipal “Vidal Pazos” de Marín a súa I Campaña de recollida de alimentos “Comparte o nadal”. O acto contou coa asistencia de Aitor Bouza, secretario xeral das Xuventudes Socialistas de Galicia e o presidente da Asociación Benéfica “SOS ayuda al necesitado”.

“Hoxe, unha semana despois de presentar a moción coa que pretendemos gañar espazos de estudos para os marinenses e dinamizar esta infraestructura municipal, queremos mostrar o nosa insistencia en que é necesario unha acción urxente no ámbito cultural e de infraestructuras en Marín”. En palabras do secretario xeral da agrupación marinense de Xuventudes Socialistas.

“Máis fame e máis desemprego, esto é o que nos atopamos os marinenses co desgoberno do PP. Colectivos coma SOS ayuda al necesitado, AMENAC e Cáritas están cubrindo as necesidades e demandas de moítisima xente que se atopa en situacións críticas”.

O representante de “SOS ayuda al necesitado” mostrou o seu agradecemento ás Xuventudes Socialistas de Marín por querer colaborar con eles, e resaltou a pouca implicación por parte do goberno local con colectivos coma o seu.

O secretario xeral das Xuventudes Socialistas de Galicia, Aitor Bouza, mostrou o seu total apoio ás últimas reivindicacións que se fixeron dende a agrupación local de Marín, e tamén a iniciativas coma esta, que fan visibles o efecto nocivo que teñen as políticas que  o Partido Popular está á facer.

A campaña “Comparte o Nadal” comezará o día 7 de decembro no supermercado "Bikoka" de Estribela, no que os militantes de XSG Marín e representantes de “SOS ayuda al necesitado” tentarán recaudar o máximo número de kilos posibles, para que este Nadal “todos e todas os marinenses teñan que levarse á boca”.

As Xuventudes Socialistas de Marín colgarán na rede o calendario cos días e as  tendas de alimentación nos que farán as diferentes recollidas de alimentos. Ademáis está prevista unha pegada de carteis en establecementos e espazos públicos de Marín, onde aqueles veciños que queiran colaborar terán os medios de contacto necesarios á súa disposición.

Correo: marin@xsgalicia.org

Facebook: Facebook.com/xuventudesmarin

Twitter: @XSGMarin

Dende a organización sinalaron, que de ter éxito, a súa intención sería de repetir esta campaña en próximas datas, e seguir traballando en actividades desta índole. Finalmente fixeron un chamamento ao resto de asociacións e colectivos de veciños do municipio, prestándose a colaborar todo o posible en actividades veciñais.

Ler máis

As Xuventudes Socialistas de Marín demandan a habilitación urxente dun local de estudo en condicións para os estudantes de Marín.

“O Concello pode permitirse económicamente realizar contratacións para o mantemento de aulas de estudo, proba é a recente suba de salarios a algúns funcionarios afins ao PP” asegurou Nacho Cortés, Secretario Xeral das Xuventudes Socialistas de Marín.

O mozos e mozas socialistas consideran un gasto innecesario que o estudantes marinenses teñan que desprazarse a outras vilas para estudar, existindo en Marín os recursos necesarios para habilitar zonas para o estudo.

Marín, 22 de Novembro de 2013

O Grupo Municipal do PSdeG-PSOE e as Xuventudes Socialistas de Marín acordaron solicitar ao Pleno do Concello de Marín a adopción dun acordo no que se aumenten por este concello os recursos da biblioteca municipal, se habiliten locais de estudo en 2 espazos (coma mínimo) e se incremente o seu horario no período de exames. Ademáis instaron á Concelleira de Cultura a traballar.

O Secretario Xeral das Xuventudes Socialistas de Marín, Nacho Cortés, cree vergoñento que “os mozos e mozas de Marín non só teñan que soportar os retallos en becas e educación, e se vexan obrigados a desprazarse a a localidades veciñas case a diario para poder estudar nunhas infraestructuras en condicións.”

Riveiro declarou que: “A biblioteca Vidal Pazos, quédase pequena xa para unha poboación de 26.000 habitantes e ante a crecente demanda e masificación desteservizo: nun único espazo, os estudantes se encontran coa xente que vai ler a prensa, os socios que van recoller e devolver os libros, os alumnos que van consultar manuais e os que queren estudar, o que fai que o barullo sexa constante e impida concentrarse nos estudos.”

Dende as Xuventudes Socialistas de Marín acusan ao goberno de Ramallo de estar a facer “oídos xordos” á comunidade educativa e aos estudantes marinenses.“Na actualidade o estudantado marinense enfróntase non só á modificación da Lei de Educación do Ministro Wert, á dilapidación do Consello Escolar do Concello por parte da nova Lei das Administracións Locais, e ás inexistentes reunións periódicas deste mesmo órgano no Concello de Marín, que demostran así o interese que ten o goberno do PP en coñecer e solucionar as necesidades e carencias dos estudantes, centros educativos e de ensinanzas da vila, ao que hai que sumar a carencia de medios que faciliten a súa formación e estudo”, declararon dende a Organización.

Xuventudes Socialistas de Marín manifestaron que “os mozos e mozas de Marín temos que ter dereito á formación, a poder estudar nunhas infraestructuras en condicións, a ter a posibilidade de empregarnos na vila. Pero a realidade non é esa.  A realidade é que temos escasas posibilidades de encontrar emprego na vila, ante a insostible tasa de desemprego xuvenil e as escasas medidas que esta tomando o Partido Popular en Marín en canto á creación de emprego”.

A Secretaria de Organización do PSdeG-PSOE de Marín, Luz Santiago sinalou que “mentres o grupo socialista apostou por potenciar o uso do Padroado de Cultura e da Biblioteca intentando captar fondos públicos para facer actividades e melloras estructurais do centro bibliotecario, a concelleira de Cultura, Beatriz Rodríguez, apostou pola súa disolución, asegurando que se xestionarían mellor os proxectos culturais e o servizo da biblioteca e, o único que se fixo foron obras de mantemento da biblioteca. Por tanto instámoslle a que solucionen as demandas dos cidadáns dotando de medios que garantan o funcionamento e rendemento da biblioteca e, se creen as aulas de estudo, necesarias para a formación dos marinenses e, a darlle uso a oficina do Telecentro da propia Biblioteca Vidal Pazos, que esta infrautilizada dende que o PP chegou ao goberno municipal, apenas existen actividades formativas e ou seu horario de apertura é inexistente”.

O PSdeG-PSOE de Marín cree que a concelleira de Cultura debe facer actividades e dinamizar a cultura en Marín non saír en prensa porque a Biblioteca recibiu un libro e pictogramas. “Iso non pode ser toda a actividade que unha edil de cultura ten”.

Finalmente, os mozos e mozas socialistas queremos concluir facendo un chamamento á Concelleira de cultura e a alcaldesa, María Ramallo: “non fan falla moitos recursos, os espazos os teñen. Existen instalacións municipais baleiras dende fai moito tempo. Dende as XSG Marín propoñemos a utilización dos locais baleiros da rúa Méndez Nuñez (antigas oficinas de Cultura) ou as Aulas de Música de Cantodarea, ou inclusive as oficinas baleiras sitas na Granxa de Briz, coma posibles locais de estudo, debendo estar abertas as “aulas de estudo” 2 espazos (coma mínimo) e incrementarse o seu horario nos períodos de examenes: decembro-xaneiro, maio-xuño e primeira quincena de xullo; segunda quincena de agosto, e setembro.

O Grupo Municipal Socialista pola súa parte pídelle a Concelleira de Cultura, quen como responsable da biblioteca xestione, posto que os recursos existentes están infrautilizados e as demandas dos cidadáns sen cubrir.

Ler máis