domingo, 28 de diciembre de 2014

Sábado solidario das Xuventudes Socialistas de Marín.

As Xuventudes Socialistas de Marín dispersáronse xunto a un grupo de veciños voluntarios polas rúas de Marín e Seixo.
Xuventudes Socialistas de Marín recollendo alimentos
nas rúas de Marín.


Próxima cita: sábado 3 de xaneiro na Alameda Rosalía de Castro

Ler máis

viernes, 26 de diciembre de 2014

As Xuventudes Socialistas de Marín intensifican a súa recollida de alimentos benéfica nas rúas de Marín.

A recollida de alimentos que están a realizar os mozos e mozas socialistas baixo o nome de “Comparte o Nadal” xa recaudou nun só día 500 quilos de alimentos que foron doados ás asociacións benéficas marinenses Cáritas, Sor Elvira e Amenac.


                                                        Marín, 26 de decembro de 2014


As Xuventudes Socialistas de Marín xa recolleron máis de 500 quilos de alimentos non perecedeiros e productos de hixiene corporal. Na súa 2ª edición, os mozos e mozas socialistas están axudar ás asociacións benéficas de Marín, Cáritas, Sor Elvira e Amenac.

Dende a organización socialista pretenden intensificar a súa actividade da campaña solidaria “Comparte o Nadal” este sábado, e para iso levarán a cabo a recollida de alimentos en diversos puntos de Marín, contando ademáis coa participación de veciños e veciñas voluntarios.

As Xuventudes Socialistas recollerán alimentos durante a mañá do vindeiro sábado no multiusos da Praza de Abastos e na rúa Camiño Vello en Seixo, ademáis durante todo o día estarán na rúa Concepción Arenal (preto do Grupo Escolar e o supermercado Mercadona) entre outros puntos da vila. A esta iniciativa sumarase a chocolatada e rifa solidaria que se celebrará o vindeiro sábado 3 de xaneiro na Alameda.

 As XSG- Marín agradeceron a colaboración de cidadáns voluntarios na campaña e animan aos veciños e veciñas a participar nesta actividade e nas vindeiras a realizar coma será a chocolatada e rifa solidaria que se fará o vindeiro sábado 3 de xaneiro.








Ler máis

sábado, 20 de diciembre de 2014

As Xuventudes Socialistas de Marín recollen alimentos na súa II campaña solidaria “Comparte o Nadal”.

A recollida de alimentos terá lugar entre os días 20 de decembro e 4 de xaneiro, todo o recaudado será doado ás asociacións benéficas marinenses Cáritas, Sor Elvira e Amenac.

“A crise non rematou, necesidades tan básicas coma comer ou ter un teito onde durmir parecen un privilexio e non o son, son dereitos que dende a política deben garantizarse. Porque sí, a pobreza e a desigualdade social son unha cuestión política aínda que moitos non o queiran ver así”.

                                                        Marín, 20 de decembro de 2014


As Xuventudes Socialistas de Marín xa comezaron a recoller alimentos non perecedeiros nas rúas de Marín. Na súa 2ª edición, os mozos e mozas socialistas esperan axudar ás tres principais asociacións benéficas de Marín, Cáritas, Sor Elvira e Amenac, e para iso ademáis da recollida de alimentos nos supermercados farán unha chocolatada solidaria e unha rifa solidaria, coa fin de implicar o máximo posible a todos os veciños e veciñas de Marín que xa o ano pasado, mesmo habendo moitas campañas benéficas a solidaridade dos marinenses foi exemplar” apuntou o secretario xeral das Xuventudes Socialistas de Marín.

A campaña “Comparte o Nadal” comezou hoxe na rúa Méndez Núñez onde instalaron unha pequena carpa. A recollida ten previsto continuar durante as festas navideñas, destacando o día 27 de decembro que se instalarán no entorno da Praza de Abastos e simultáneamente tamén en outros puntos da vila ao longo da mañá e da tarde coa fin de acadar así o máximo número de quilos posibles para que este Nadal “todos e todas os marinenses teñan que levarse á boca”. No mes de xaneiro teñen previsto realizar unha chocolatada e unha rifa solidaria coa cal premiar a solidariedade dos marinenses a cambio quilos de comida ou productos de hixiene.


O secretario xeral das Xuventudes Socialistas de Marín, Nacho Cortés asegurou ao respecto que “este ano quixemos incluir algunha actividade máis, para incentivar e implicar ao máximo as veciños e veciñas de Marín, porque somos conscientes da demanda que hai nestes colectivos que axundan a moitos centos de familias de Marín con necesidades e que precisan todo o apoio posible”


Porén, ademáis da recollida de alimentos en supermercados e nas rúas farán o vindeiro mes de xaneiro unha chocolatada e rifa solidaria: “A idea de facer unha chocolatada e unha rifa solidaria xurde tamén con outras iniciativas de carácter benéfico e solidario que queremos facer en vindeiras convocatorias, a finalidade e colaborar e dar visibilidade a estes colectivos, non só en nadal se non tamén o resto do ano, un compromiso que tamén que queremos reivindicar”

Dende a organización socialista apuntaron tamén que “É de agradecer o que as asociacións sociais e culturais de Marín están a facer a prol destes colectivos coma son as diferentes galas benéficas e recollidas de xoguetes ou alimentos a realizarse estes días, pois nestes momentos temos que estar máis xuntos que nunca”.

O secretario xeral, Nacho Cortés quixo resaltar que a crise non rematou, necesidades tan básicas coma comer ou ter un teito onde durmir parecen un privilexio e non o son, son dereitos que dende a política deben garantizarse. Porque sí, a pobreza e a desigualdade social son unha cuestión política aínda que moitos non o queiran ver así”.

 As XSG- Marín colgarán na rede o calendario cos días e as tendas de alimentación nos que farán as diferentes recollidas de alimentos. Ademáis está prevista unha pegada de carteis en establecementos e espazos públicos de Marín, onde aqueles veciños que queiran colaborar terán os medios de contacto necesarios á súa disposición.

Facebook: Facebook.com/xuventudesmarin
Twitter: @XSGMarin

Finalmente fixeron un chamamento ao resto de asociacións e colectivos de veciños do municipio, prestándose a colaborar todo o posible en actividades veciñais.












Ler máis

lunes, 3 de noviembre de 2014

As Xuventudes Socialistas de Marín instan a Ramallo a conseguir un mellor servizo de bus na liña Marín-Pontevedra.



Os mozos e mozas socialistas veñen de presentar unha moción no rexistro do Concello que se debatirá no pleno da vindeira semana na que exisirán diversas medidas para que mellore a calidade do servizo e disminúa o prezo do billete do autobús na liña Marín-Pontevedra.

O secretario xeral, Nacho Cortés afirmou que “unha vez máis este Concello está a demostrar que non se entera dos problemas da rúa pois trátandose dunha liña de enorme rentabilidade económica, e sendo moitas veces o único medio de transporte posible para moitos veciños de Marín, non fixeron nada en todo este tempo para conseguir un prezo máis baixo ou un mellor servizo pese a estar o seu partido ao fronte da Xunta e da Deputación”.



Marín, 3 de noviembre de 2014

              
As Xuventudes Socialistas de Marín presentaron hoxe un paquete de medidas  para a mellora de calidade, servizo e prezo da liña de transporte entre Marín e a cidade do Lérez entre as que destacan a creación dunha area metropolitana de transporte, o incremento das liñas horarias e a negociación para a  recuperación do Noitebús.


Medidas que inclúe a moción das Xuventudes Socialistas de Marín:

1.    Trasladar á Xunta de Galicia e ao seu presidente o Sr. Núñez Feijoo a petición da Corporación Municipal de Marín para que sexa retomado o servizo de Noitebús entre as localidades de Marín e Pontevedra, porque consideramos que este servizo demostrou a súa eficacia cara a mellora da seguridade viaria e a redución de accidentes de tráfico especialmente entre os xóvenes diminuindo a condución de madrugada en situación de risco.

2.    Que o Concello de Marín xestione ante a empresa concesionaria do transporte de Marín a Pontevedra unha ampliación dos horarios do servizo. Dita ampliación consistiría en que de luns a domingo o servizo entre Marín e Pontevedra se preste ata ás 12 da noite, ainda que sexa cunha menor frecuencia de pasada a partir das 22:00h.
Para o fin de semana que se solicite un adianto na hora de saída do primeiro bus con destino Marín ás 06:00h da mañá (actualmente é as 07:00h).

3.    Que o Concello de Marín impulse coa Xunta de Galicia e a Deputación de Pontevedra (como mediador provincial cos Concellos) a creación en Pontevedra e arredores dunha área metropolitana de transporte, coma xa sucede nas ciudades da Coruña, Ferrol, Lugo ou Santiago. Mediante a creación de dita área metropolitana de transporte se podería acadar para os veciños de Marín un prezo por cada viaxe que rondaría entre os 71 e os 84 céntimos, o cal suporía unha evidente mellora sobre o prezo actual que é de 1,40 €, o que repercutiría moi positivamente na economía dos veciños de Marín.

O secretario xeral da organización, Nacho Cortés, declarou que “as vantaxes que tería Marín coa creación dunha area metropolitana de transporte son moi positivas, coma xa sucede noutras cidades coma Coruña, Ferrol, Lugo ou  Santiago, conseguiríase unha importante reducción do prezo, do actual 1,40 euros por viaxe ao entorno os 71 e os 84 céntimos por viaxe, repercutindo positivamente na economía dos veciños e veciños, sobretodo naqueles que por obligacións persoais ou profesionais dependen deste servizo. O transporte metropolitano conectaría Pontevedra co resto de concellos de arredor, como Marín, Poio ou Sanxenxo  por exemplo”.

Cortés apuntou ademáis que “O PP de Pontevedra quere conseguir transporte urbano para Pontevedra, eu pregúntome que fai Ramallo? A alcaldesa unha vez máis non se entera dos problemas da xente, e por iso nós  temos que hoxe denunciar unha situación que xa é abusiva para os bolsillos da xente. O incremento do bus nos últimos anos foi escandaloso, por iso pedimos medidas que disminúan o seu prezo e melloras no servizo”.

“O mesmo presidente da Xunta afirmou que se crearían novas areas metropolitanas de transporte recentemente, pero xa dende 2010 falaba do transporte metropolitano en Vigo e Pontevedra, a qué estamos a esperar? A liña de Marín dende logo deficitaria non é”. engadiu Cortés.
Ademáis, as Xuventudes Socialistas de Marín queren que o Concello de Marín xestione ante a empresa concesionaria do transporte de Marín a Pontevedra unha ampliación dos horarios do servizo. 

Entre outras das propostas de negociación está a posibilidade de reimplantación do Noitebús. Dende a organización indicaron que: “o servizo de Noitebús era unha medida de gran éxito e aceptación entre a mocidade posta en marcha no ano 2006 polo PSdeG e que contribuía a mellora da seguridade viaria, polo que pedimos que se negocie a posible reimplantación do servizo, polo menos durante o período estival o que repercutiría positivamente tamén na visita de máis xente as festas e eventos que se fagan en Marín”.

Cortés defendeu a reposición do Noitebús: “consideramos que non todos os usuarios que o empregan teñen porque consumir alcohol, e independentemente de se o fan ou non, o Noitebús contribue a seguridade viaria e fomenta a igualdade entre os rapaces xa que non todos temos coche propio ou os mesmos recursos económicos”




Ler máis

domingo, 14 de septiembre de 2014

As Xuventudes Socialistas de Marín respostan ao PP de Marín: “nin pes nin cabeza ten que se empeñen en tratarnos aos estudantes de Marín coma un colectivo marxinal”.

Imaxe da entrega das máis de 1.000 firmas que avalan a petición de melloras da Biblioteca Municipal,

O secretario xeral das XSG Marín, Nacho Cortés, quixo respostar  ao comunicado emitido polo PP de Marín  e declarou que “ é incomprensible que digan que é inviable económicamente cando están a “sacar peito” do suposto “superávit” de 600.000 euros do Concello e estanse a pagar horas extras escandalosas sen vir a conto.”

 

“Lévase  pedindo dende fai un ano a modernización da biblioteca municipal, dende o PSdeG-PSOE de Marín non se puido ter unha postura máis consensuadora para tratar de enmendar a moción presentada e conseguir sacar adiante melloras para a biblioteca. Propuxemos outros usos para ese local que pedimos, cando non sexa período de exames, coma por exemplo: a utilización como sala de traballo e talleres para os rapaces, algo que tamén está a ser demandado nos colexios ao Concello, pero aínda así hai moitas máis demandas que fixo a xente coma o sistema antirroubo ou mesmo outras propostas gratuitas”.

 

“Non se pode tolerar que a Concelleira de Cultura non tome cartas no asunto e so se adicara a rechazar todas as propostas de localización que se fixeron durante todo este tempo dende a oposición do PSdeG-PSOE, BNG e MAR-IN  nos distintos debates. Póñanse a traballar dunha vez, se estamos a demandar algo non será por inspiración divina, vai a acabar a lexislatura e biblioteca vai seguir igual que cando chegaron” añadiu Cortés.

 

 

 

 

 


                                                                                       Marín, 14 de setembro de 2014

As Xuventudes Socialistas de Marín queremos deixar claro que non imos tolerar que se trata aos estudantes de Marín coma un colectivo marxinal, e se pretenda tirar pola borda meses de traballo na rúa, no que as propostas que levamos a pleno son ideas da xente, desa moita xente que votou tamén ao Partido Popular. Consideramos que:

1.    Os estudantes marinenses non somos un colectivo marxinal, non temos porque crear unha asociación para que se actúe en consideración, e se nos repudie a ter acceso a un local municipal unhas poucas horas ao mes.

2.    Alegar que a creación dunha aula de estudo é inviable económicamente é un erro.  É incomprensible que afirmen iso cando están a “sacar peito” do suposto “superávit” do Concello e estanse a pagar horas extras escandalosas sen vir a conto.. Non interesamos os estudantes de Marín? Onde están as supostas becas de apoio aos estudantes sen recursos que prometían no programa electoral?. Inviable económicamente en todo caso é o traballo que está a facer a Concelleira Beatriz Rodríguez pola cultura e a formacións dos estudantes de Marín. Aínda estamos esperando a que cumpra moitas das súas propostas do programa electoral.

3.    Levamos diferentes propostas a pleno de onde situar a aula de estudo: Granxa de Briz, Aulas de música de Cantodarea, antigas oficinas de Cultura en Méndez Núñez, antigas oficinas de urbanismo en Méndez Núñez e que se racionalizase o uso destes locais municipais se era necesario. Pero tamén outros grupos municipais coma o BNG ou MAR-IN puxeron enriba da mesa solucións ao respecto. O pasado pleno de setembro a concelleira do BNG, Esther Crespo: “poden negociar coas súas administración amigas o local que é propiedade da Xunta de Galicia e estase a deteriorar cada vez máis co paso do tempo por estar sen uso”.

4.    A crise económica está visto que non é unha escusa, no veciño Concello de Cangas teñen un horario extraordinario para exames na biblioteca municipal. Non están a favor de crear emprego na vila? Onde está o plan de emprego? Contratar máis persoal na biblioteca municipal non é pecado ningún cando supostamente defenden que teñen as contas saneadas.

5.    Pedir que se estudie a posibilidad de insonorización da sala de lectura da biblioteca parece un “tremendismo” para o goberno do PP, cando non lle compromete a nada, e para todos é molesto o barullo que existe pola autoestrada colindante co edificio cando se está dentro.


6.    Se pedimos a creación dun buzón de participación cidadá e que se intente incentivar as donacións na biblioteca é porque temos constancia de que a maioría das demandas que se fan a este desgoberno local do PP caen en saco roto e póñense moitas trabas no lugar de facilidades a trámites que deberían ser ben sinxelos.

7.    No tocante aos cursos de formación quixemos pedir unha iniciativa de cursos de formación (que podedes ler con máis detalle no documento da moción), e na cal a Concelleira de Cultura podería mediar se tivese "iniciativa" para conseguir que se levase a cabo.

8.    Non podemos crernos que a señora Beatriz Rodríguez poida defender no pleno que a biblioteca municipal non precisa dun sistema antirroubo de libros e que se lle deixe toda a responsabilidade ás empregadas da biblioteca. Os casos de hurtos de libros existen e polo tanto é inútil seguir mercando libros se é tremendamente fácil roubalos.











Ler máis

viernes, 12 de septiembre de 2014

As Xuventudes Socialistas de Marín acusan á Concelleira de Cultura de ignorar a petición avalada por máis de 1.000 marinenses para mellorar a biblioteca municipal .

O secretario xeral das XSG Marín, Nacho Cortés, tildou á Concelleira de hipócrita e soberbia “pois coma dixemos con anterioridade esta Concelleira mentres estaba nas NNXX promovía mentres que se habilitaran espazos para os estudantes, e agora nin o fai, nin tampouco plantexa alternativas e permítese facer oídos xordos das demandas e propostas dos usuarios do centro e dos máis de 1.000 marinenses que asinaron para conseguir melloras na biblioteca municipal” “Non só está a ignorar aos marinenses, se non tamén aos que traballan e fan vida nesa biblioteca. Parouse algunha vez a falar con eles? Podo dicir con coñecemento que non, non ten interese ningún”  

Dende a organización afirman que “o goberno local do PP está autoenganarse de que a biblioteca municipal está xenial como está,  a pésima xestión é unha realidade para todos, menos para eles porque deben pisala ben pouco, nada máis que cando ben Feijóo aos seus actos de partido” “Temos un exemplo na comarca de cómo unha vila coma Cangas, na que goberna o seu partido, conta cun horario extraordinario de biblioteca para o período de exames e unha xestión algo mellor” añadiu Cortés.

                                                                                       Marín, 12 de setembro de 2014

As Xuventudes Socialistas de Marín mostráronse moi críticos coa actitude da Concelleira de Cultura no Pleno Municipal, pese a que todos os grupos da oposición lle pediron por segunda vez nun ano que actuase para conseguir cambios visibles e melloras na xestión da biblioteca municipal, e intención do Grupo Socialista de mediar para alcanzar un consenso nalgunhas das propostas incluídas na moción.

O secretario xeral da agrupación local de Xuventudes Socialistas, Nacho Cortés declarou que “pareceme de coña que a señora Beatriz Rodríguez poida defender que a biblioteca municipal careza dun sistema antiroubo de libros, e que lle deixe toda a responsabilidade ás empregadas da biblioteca” “O custo que pode ter ese sistema é irrisorio. Existen casos de hurtos de libros que non apareceron máis; de que serve invertir na compra de libros se é tremendamente fácil roubalos?”

O líder da organización socialista ademáis quixo mostrar o seu rechazo á proposta de solución que propuxo a Concelleira para a demanda de locais de estudo: “A única solución que propon para a demanda dos estudantes e que creemos unha asociación de estudantes para poder ter acceso a un local municipal unhas poucas horas ao mes?   Parece ser que en Marín os estudantes somos un colectivo marxinal, que nos repudian a iso para conseguir un lugar digno onde estudar ou poder facer traballos.

Os mozos e mozas socialistas concluíron recalcando que “nótaselle que non coñece a realidade da biblioteca, pero tamén nótaselle que non lle interesa poñerse a traballar para que ese servizo sexa mellor, máis útil, moderno e accesible para todos e todas, pero sobre todo que cubra as necesidades e demandas para as que naceu”




Ler máis

miércoles, 10 de septiembre de 2014

As Xuventudes Socialistas de Marín entregan no Concello as máis de 1.000 firmas que avalan a petición de melloras para a biblioteca municipal.


Imaxe: Diario de Pontevedra
As Xuventudes Socialistas de Marín xunto Aitor Bouza, secretario xeral das XSGalicia e outros membros da súa executiva entregamos no Concello as máis de 1.000 firmas recadadas como aval da petición popular de melloras para a biblioteca municipal "Vidal Pazos" de Marín.

A moción coas diferentes propostas de melloras que solicitamos ao goberno local será tratada no pleno deste venres.


Ler máis

viernes, 29 de agosto de 2014

As Xuventudes Socialistas de Marín levan a pleno unha moción na que esixirán melloras para a Biblioteca municipal avalada por máis de 1.000 firmas.



O secretario xeral das XSG Marín, Nacho Cortés, declarou que “esta moción para mellorar a Biblioteca Municipal é froito da participación cidadá, polo que agradecemos a colaboración de todos os veciños e veciñas”. Dende a organización invitaron á concelleira a que: “visite a Biblioteca máis a miúdo, fale cos traballadores e usuarios habituais pois obterá respostas, queixas e suxerencias claras da xente”


Ademáis as Xuventudes Socialistas de Marín mostraron a súa indignación ante a escasa inversión e preocupación do Goberno local do PP polos problemas, a formación  e o futuro dos mozos e mozas de Marín: “Este Concello non está invertindo na xuventude de Marín, e logo estrañámonos de por qué os mozos e mozas marchan? Non se trata só de facernos festas”

No referente á campaña de recollida de sinaturas e propostas, o secretario xeral, Nacho Cortés, e a secretaria de organización, Joanna Vilas, fan un balance moi positivo en canto á participación dos veciños e veciñas na recollida de firmas e propostas que levaron e levan a cabo na rúa e na rede e na que levan recollidas entorno ás 1.000 firmas. “A xente mostrouse moi contenta coa iniciativa e compartimos moitas opinións, que deron paso a propostas de mellora en termos de servizo e calidade para o edificio municipal, é o mellor aval que podemos ter desta petición popular” e animaron á xente a que se siga sumando á iniciativa durante os vindeiros días.

                                                                                          Marín, 29 de agosto de 2014

As Xuventudes Socialistas de Marín xa presentaron no rexistro do Concello a moción que o Grupo Municipal do PSdeG-PSOE de Marín levará e defenderá no pleno municipal de setembro, e no que se tratarán as diversas melloras que solicitan para a Biblioteca Municipal.

Os mozos e mozas socialistas tildaron de hipócrita a Concelleira de Cultura Beatriz Rodríguez, porque: “mentres estivo nas Novas Xeracións, reivindicaba máis espazos para os estudantes marinenses, pero agora que ten a oportunidade de lograr esas reivindicacións non o fai, pero tampouco o intenta. De feito dende que presentamos a anterior moción, fai case un ano, non cumpriu o seu compromiso de traballar por mellorar o servizo, non fixo nada”.
O secretario xeral apuntou que “a responsabilidade de que se traballe ou intervenga para mellorar a Biblioteca Munciipal  é da Concelleira de Cultura, a mesma que se encargou de disolver o Padroado da Biblioteca garantizando unha mellor xestión, e afirmando que se encargaría ela mesma de todo, e xa se ve, que nin a biblioteca pisa”.

Dende a organización declararon que “é o tempo de apostar pola Biblioteca, non estamos a pedir unha biblioteca nova, nin estamos a pedir imposibles.  Pedimos melloras nas infraestructuras pero tamén na xestión, que é unha cuestión pendente para todos os grupos municipais” “E invitamos á concelleira a que: “visite a Biblioteca máis a miúdo, fale cos traballadores e usuarios habituais e non cos militantes ou simpatizantes do PP, pois obterá respostas, queixas e suxerencias claras da xente”.

“Estamos fartos de que o PP recorte a inversión pública onde lle peta, igual o que terían que recortar son as escandalosas horas extras que se pagan no concelllo, os salarios aos funcionarios afins a eles e demais cacicadas que está a facer este goberno. Parece que coma sempre a xuventude deste pobo somos o último, a nosa formación non importa, e non importa a de mozos e mozas, ou talentos, que teñen que marchar fora a desenvolverse ou encontrar traballo.” Declarou o Nacho Cortés, o secretario xeral da agrupación.

“Este Concello non está invertindo no que é a xuventude de Marín, e logo estrañámonos de porque os mozos e mozas marchan? Non se trata só de facernos festas, trátase de apoio, de invertir nos que queren formarse e por non ter cartos non poden, de apostar por un plan de emprego eficaz que poida ser unha oportunidade de empregabilidade na vila ou mesmo de mostrar certo interese e preocuparse de que demandan os colectivos xuvenís de Marín.” añadiu Cortés.


As medidas que as Xuventudes Socialistas de Marín inclúen na moción:

1-    Creación dunha “Aula de estudo” insonorizada no antigo local municipal da Concellería de Urbanismo que estaba sito na rúa Méndez Núñez, xusto detrás da Biblioteca Municipal. Que en período de exames estaría dispoñible cun horario extraordinario: das 08:00 ás 03:00. Habilitar unha sala de traballo infantil onde se poidan realizar tamén obradoiros e traballos escolares para evitar as molestias aos demais usuarios.

As XSG-Marín plantexaron respecto a esta demanda, que no período de exames noutras vilas coma Pontevedra ou Cangas contan con máis espazos onde estudar ou con horario extraordinario: “Se tes exames e é fin de semana por qué temos que desprazarnos á biblioteca da Universidade en Pontevedra, se se pode habilitar algún espazo ou establecer un horario extraordinario en Marín coma xa se fai por exemplo en Cangas? 

2-    Instalación dun sistema antiroubo de libros. 

3-    Acondicionamento da sala de lectura coa posta dun sistema de aire acondicionado que está a ser demandado por usuarios e traballadores do centro.

4- Para a facilitación de suxerencias, novas compras ou queixas, crear un “buzón de participación cidadá”, no que as queixas ou suxerencias queden rexistradas e sexan levadas ao Concello coa fin de ser resoltas.

5-    A gran oferta de cursos online que se ofertan na rede debe permitir que dende a Concellería de Cultura se leve a cabo un plan de cursos formativos para o Telecentro municipal coa  designación trimestral de monitores con experiencia ou novos talentos para a realización de cursos a través da rede que poidan ser gratuitos ou de prezo público, cuxa realización sexa non so en horario de mañá, senon tamén de tarde para que os usuarios que desexen acceder a este tipo de formación e traballen ou teñan outras responsabilidades poidan asistir sen problema.

6-    Estudar as posibilidades de insonorización da sala principal para impedir o barullo tanto dos vehículos que circulan pola estrada colindante coma o que poida xurdir de celebracións no salón de actos da planta superior.

7-    Creación dun “buzón de donacións rexistradas” de libros á vista dos usuarios, para que os usuarios que así queiran poidan sentirse impricados na construcción da biblioteca municipal, puidendo encher así tamén os fondos da biblioteca con exemplares aos que se lle quere dar un novo uso. 

8-    Posta anual dun caixón ou unhas baldas onde por a disposición dos  usuarios exemplares gratuitos que queiran ser cribados-purgados.

9-    Creación dunha conta de Facebook e Twitter para facilitar información sobre actividades, novidades literarias ou información relevante aos usuarios.


A organización socialista concluíu mostrando o seu desexo a que no Pleno do Concello se aprobe esta petición popular, do contrario, e se a deixadez continua, afirman que seguirán a reclamar e presentar no Concello todas as queixas e propostas que consideren oportunas.








Ler máis

jueves, 14 de agosto de 2014

Repulsa e condena das Xuventudes Socialistas de Marín á pintada franquista feita no lugar de Cruz de Maceira.

Imaxe: Santos Álvarez (FdV)

Sumámonos ao rechazo colectivo que dende a agrupación socialista de Marín sentimos e facemos saber públicamente. As Xuventudes Socialistas de Marín mostramos a nosa repulsa ante este tipo de actos e pedimos ao goberno local que interveña canto antes a retirar a pintada e se investigue ao autor ou autores dos feitos para que non se volvan repetir.

COMUNICADO DO PSdeG-PSOE de MARÍN:

"Dende a agrupación socialista do PSOE de Marín queremos condenar rotundamente a nova pintada fascista que apareceu recentemente no monolito que homenaxea aos fusilados polo franquismo no lugar de Cruz da Maceira.

Trátase dun acto cobarde que pretende ferir a memoria das persoas fusiladas durante o franquismo, sen embargo o cariño e recoñecemento da inmensa maioría da sociedade está precisamente cos fusilados que trataron simplemente de defender un réxime democrático e opoñerse ao levantamento militar que desencadeou a posterior ditadura franquista, ainda que eso lle costase a propia vida.

Non deixa de chamarnos a atención a estúpida frase escrita que indica "Los perdedores fuera de España" como se tras a guerra civil e a ditadura houbese algún gañador. Todos fumos perdedores porque a ditadura só deixou tras de si mortos e represaliados, dor, sufrimento, medo e ausencia de liberdade en toda España.

Instamos tamén ao goberno municipal a retirar novamente a pintada, unha ou mil veces se fai falla."
Ler máis

lunes, 11 de agosto de 2014

As Xuventudes Socialistas de Marín presentan a campaña "+Biblioteca".

A organización presentou a campaña "+Biblioteca" coa cal queren concluir a recollida de sinaturas e propostas de mellora da biblioteca municipal na rede.

O secretario xeral da agrupación, Nacho Cortés, declarou que "a nosa reiteración da necesidade de actuacións na Biblioteca Municipal está a ser avalada por todos os usuarios e veciños que están a participar na nosa recollida de firmas, que ademáis nos están a achegar moitas queixas pero tamén moitas propostas. Polo que facemos un balance moi positivo en canto á participación cidadá”



As Xuventudes Socialistas de Marín presentaron a campaña "+Biblioteca" mediante a cal queren invitar a todos os usuarios da Biblioteca Municipal "Vidal Pazos" que aínda non asinaron na súa recollida de firmas nas rúas de Marín o fagan na plataforma  Change.org e por outra parte seguir sumando propostas de mellora para o edificio municipal.

 “Esta campaña vai servir como carta de presentación do que queremos levar a pleno mediante o grupo municipal do PSdeG-PSOE de Marín, é unha mensaxe clara e directa ao goberno local do que os veciños e a mocidade da vila queren”

Os mozos e mozas socialistas quixeron agradecer o respaldo obtido e participación da xente ao longo destes meses na rúa, e fixeron saber que todas as propostas e suxerencias “serán recollidas nunha moción e que é froito da participación dos veciños e servirá para conseguir o que todos queremos que é unha biblioteca en condicións e mellor para Marín”


Dende a organización prefiriron non revelar o contido dese documento dado que aínda non está pechado, pero Cortés asegurou que “hai demandas que se levan facendo dende fai moito tempo por usuarios e traballadores do centro que son irrenunciables", e que a presentarán e levarán a pleno o vindeiro mes.


Para a participación na campaña "+Biblioteca", as Xuventudes Socialistas de Marín quixeron poñer á disposición dos veciños un correo electrónico: marin@xsgalicia.org coa fin de poder recibir suxerencias e propostas. E para asinar e respaldar a súa petición en Change.org encontrase máis información no seu blog: xuventudesmarin.blogspot.com


Ler máis

lunes, 2 de junio de 2014

As Xuventudes Socialistas de Marín posiciónanse claramente a favor da consulta popular para elixir a Xefatura e modelo de Estado.

.


O secretario xeral das Xuventudes Socialistas de Marín, Nacho Cortés, declarou que: “temos que ser valentes e coherentes co que a nosa organización pensa e defende, como republicanos entendemos que son momentos difíciles para a política, pero os cidadáns estamos pedindo participación política e debe dársenos. A consulta á cidadanía sobre qué modelo de Estado queremos Monarquía ou República  non sería unha idea disparatada, sería unha idea de madurez política do país”

Cortés quixo aproveitar para valorar positivamente as declaracións do líder do PSdeG, Xosé Ramón Gómez Besteiro que amosou a súa vontade clara e rotunda de escoitar á cidadanía

Dende a organización quixeron sinalar que trala abdicación do Rei, e sendo totalmente coherentes co que a organización política defende: “as Xuventudes Socialistas de Marín apostamos pola consulta á cidadanía para que todos e todas decidamos o noso futuro, e por iso apoiamos as concentracións no día de hoxe para que se escoite a voz dos cidadáns  na decisión ou elección da Xefatura de Estado”.

Os mozos e mozas socialistas engadiron que o modelo de Estado que queren e defenden en todo momento é o republicano: “o temos claro, as Xuventudes Socialistas de Galicia e Juventudes Socialistas de España apostamos pola  #IIIRepública”.



"Manifiesto JSE por una España Republicana":
Ler máis

miércoles, 26 de marzo de 2014

Homenaxe a Emilia Pardo Bazán en Marín.

Ler máis

Acto na honra de Emilia Pardo Bazán e recollida de firmas a prol dunha Biblioteca Municipal en condicións.


Durante a mañá do vindeiro xoves 27 de marzo, nas inmediacións da Praza de España (preto do Bar Skala) membros das Xuventudes Socialistas de Marín, do PSdeG-PSOE de Marín e  membros das Xuventudes Socialistas de Galicia estaremos recollendo firmas para a  mellora da Biblioteca e a habilitación de locais de estudo. Entre os asistentes a os actos que as XSG Marín realizarán estan: Aitor Bouza, secretario xeral das XSGalicia  e Silvia Neira, portavoz provincial das XSGalicia e Laura Requejo, secretaria de igualdade das XSG, entre outros. 
Ás 16.30 na Alameda realizaremos un acto na honra de Emilia Pardo Bazán, a secretaria de igualdade das XSG leerá un manifesto, e posteriormente levarase a cabo unha pegada de carteis, nos espazos autorizados polo Concello, sobre a campaña das XSG contra a lei 
Gallardón. 
Ao remate, a recollida de firmas continuara nas inmediacións da Alameda Rosalía de 
Castro e tamén na Biblioteca Municipal. 



Ler máis

As Xuventudes Socialistas de Marín solicitan que o Concello se sume o vindeiro sábado á iniciativa da Hora do Planeta.


Os mozos e mozas socialistas quixeron facer un chamamento tamén para que todos os veciños e veciñas se sumen a esta iniciativa: “un xesto simbólico que impulsa a nivel mundial a Organización Ecoloxista WWF, e que este ano terá lugar este sábado 29 de marzo, de 20:30 a 21:30 horas”.

O secretario xeral das Xuventudes Socialistas de Marín declarou que cada ano, moitísimas cidades de todo o mundo amosan o seu apoio a esta campaña apagando as luces dos seus principais monumentos e edificios, Marín non debe ser menos”.



As Xuventudes Socialistas de Marín solicitaron mediante unha petición por rexistro que o Concello de Marín secunde o próximo 29 de marzo a iniciativa que todos os anos a Organización Ecoloxista WWF leva a cabo. A agrupación local de Xuventudes Socialistas quere destacar a importancia de que non so os veciños secunden esta iniciativa, senon  tamén que as administracións locais deben dar exemplo para concenciar sobre a importancia que ten o aforro enerxético.

O secretario xeral das XSG Marín, Nacho Cortés, pide “ao actual goberno local que se  fomente o uso eficiente dos recursos enerxéticos, e se aposte por tomar medidas de aforro enerxético nas instalacións municipais e na vila”.  “O Concello ten que poñerse ás pilas neste ámbito porque a crecente subida do recibo da auga e do lixo, buscar conflictos cos donos de cans na contra de apostar por políticas que non dividan aos marinenses, ou que ENCE patrocine eventos locais, non é política de medioambiente e benestar social, se non todo o contrario, un atentado contra os benestar dos veciños”, añadiu Cortés.

Dende a organización consideran que “todos e todas temos un papel crucial na consecución de cambios de xestión, na loita contra o Cambio Climático, no cambio do modelo enerxético e tamén para un acadar un desenvolvemento sostible, pero as Administracións Públicas son as encargadas de liderar ese cambio de actitude: dende as institucións municipais, é onde se poden realizar os cambios en resposta a cuestións medioambientais coma estas, impulsando boas prácticas nas empresas e nos veciños, incentivando o consumo responsable e o uso responsable da electricidade”.

“As Entidades Públicas deben ser as primeiras en apostar pola eficiencia enerxética, e deben dar exemplo nas súas actuacións á cidadanía; Marín debe emprender a senda que a leve tamén a ser un exemplo de vila sostible, limpa e comprometida co medioambiente e a contorna natural que a rodea” concluía Nacho Cortés, Secretario Xeral das Xuventudes Socialistas de Marín.

Finalmente, os responsables das XSG Marín censuraron “a falta de compromiso dos gobernos do Partido Popular, dos Sres. Rajoy e Feijoo na loita contra o cambio climático, poñendo sobre a mesa a nova regulación do sector eléctrico, entendendo que España e Galicia están a camiñar na dirección contraria á normativa europea e a numerosos países europeos que están a apostar polas enerxías renovables como sector enerxético estratéxico.”

Para sumarse á iniciativa poderán facelo todos os/as cidadás que o desexen a través da páxina web: http://www.horadelplaneta.es/  
Ler máis

domingo, 9 de marzo de 2014

Recollida de firmas e propostas para a mellora da Biblioteca Municipal e a habilitación urxente de máis espazos para o estudo en change.org



Os mozos e mozas socialistas consideramos un gasto innecesario que o estudantes marinenses teñan que desprazarse a outras vilas para estudar, existindo en Marín os recursos necesarios para habilitar zonas para o estudo.

As Xuventudes Socialistas iniciamos unha recollida de firmas tanto na páxina change.org coma polas rúas de Marín para respaldar esta iniciativa de demanda popular.

 O pasado mes de novembro, o Grupo Municipal do PSdeG-PSOE e as Xuventudes Socialistas de Marín acordarmos solicitar ao Pleno do Concello de Marín a adopción dun acordo no que se aumenten por este concello os recursos da biblioteca municipal, se habiliten locais de estudo  en 2 espazos (coma mínimo) e se incremente o seu horario e o da biblioteca no período de exames. Ademáis instaron á Concelleira de Cultura a traballar pola mellora da Biblioteca municipal.  

As Xuventudes Socialistas de Marín consideramos que:

1- A biblioteca Vidal Pazos, quédase pequena xa para unha poboación de 26.000 habitantes e ante a crecente demanda e masificación deste servizo: nun único espazo, os estudantes se encontran coa xente que vai ler a prensa, os socios que van recoller e devolver os libros, os alumnos que van consultar manuais e os que queren estudar, o que fai que o barullo sexa constante e impida concentrarse nos estudos.

2- O Concello pode permitirse económicamente realizar contratacións para o mantemento de aulas de estudo, proba é a recente suba de salarios a algúns funcionarios afins ao PP.

3- Na actualidade o estudantado marinense enfróntase non só á modificación da Lei de Educación do Ministro Wert, á dilapidación do Consello Escolar do Concello por parte da nova Lei das Administracións Locais, e ás inexistentes reunións periódicas deste mesmo órgano no Concello de Marín, que demostran así o interese que ten o goberno do PP en coñecer e solucionar as necesidades e carencias dos estudantes, centros educativos e de ensinanzas da vila, ao que hai que sumar a carencia de medios que faciliten a súa formación e estudo.

4-  É de obriga por parte da actual Concelleira de Cultura buscar unha solución para que se poidan utilizar ou racionalizar os locais municipais existentes para que os estudantes de Marín poidan acceder a ter salas de estudo.

5 - Débese incrementar ó horario da Biblioteca de Marín en períodos de exames: decembro-xaneiro, maio-xuño e primeira quincena de xullo; segunda quincena de agosto, e setembro. Sen compararnos con outras bibliotecas, como fixo a Concelleira Beatriz Rodríguez, posto que a Biblioteca Pública de Pontevedra non é a única que ten a cidade do Lérez, polo que a demanda de ampliación de horarios da biblioteca municipal nesa cidade é normal que non exista.

6- Mellorar os recursos tanto bibliográficos (manuais de dereito, diccionarios, obras básicas da literatura universal...) coma loxísticos que se encadran tanto na planta inferior coma no salón de actos.

7- Dinamización do Telecentro municipal pois é toda unha oportunidade para a formación dos marinenses e dende a chegada ao goberno do PP está a infrautilizarse. 

Finalmente, os mozos e mozas socialistas queremos concluir facendo un chamamento á Concelleira de cultura e a alcaldesa, María Ramallo: “non se escuden no que os gobernos anteriores fixeron ou deixaron de facer, e fagan vostedes, pois non fan falla moitos recursos, os espazos os teñen. Existen instalacións municipais, que con xestión e racionalización poden permitir habilitar salas para que os estudantes poidan estudar, pois é vergoñento que a actual Concelleira de Cultura, que no seu momento demandou dende as Novas Xeracións do Partido Popular a creación de locais de estudo, agora que está no goberno non queira facelo. 



Entra na páxina da petición, asina e posteriormente se o desexas fainos chegar as túas propostas, serán entregadas e presentadas no Concello.

Ler máis

XSG Marin

Se queres poñerte en contacto con nós: marin@xsgalicia.org

Xuventudes Socialistas de Marín. R/Jaime Janer, 79 - Baixo | Correo electrónico marin@xsgalicia.org | Designed By Seo Blogger Templates